MTB Dobbiaco-Lienz (A) del 01/06/2009

Quattro di' a casa... no se pol miga passarli tutti a bever candole coi soci del paess tra laghi e rifugi: gh'e' da nar! E allor, domenega pomeriggio, vist che en gresta de confim el meteo l'e' bom, ghe propongo la Dobbiaco-Lienz en MTB... cosi', dato che en bici no i e' mai nai, pol vegnir anca el Denis, la Manu e l Gianluca (el cosim del Silvano, che e' salito qui dall'Italia giusto un paio di giorni di vacanza): la Dobbiaco-Lienz l'e' na famosa ciclabile longa 56Km tutta en lizera discesa che fa anca famiglie con fioi al seguito! Se all'inizio pensevo de cargar tute le bici sul camion Ducato del me vecio, quando la sera el Denis e la Manu i tira buca, me riorganizzo al volo, e tolt en prest el nof portabici de me fradel provo a montarlo sulla Polo: de lusso! 3 bici montae sul baul e quindi, podo sparmiarme de guidar el camion fin a Dobbiaco (che no l'e' migole! 360 Km fra andata e ritorno!). El Fonso (el vecio del Silva, ma coi 2300Km de bici che l g'ha za' sule gambe st'am l'e' sicur el pu' allena'), el ne vegn drio co la so macchina e partidi alle 9 e 1/4 da Roveredo, dopo la solita pausa Bressanom per la colaziom alle 11 e 1/2 sem li' che scarghem le bici al parcheggio (gratis) de Dobbiaco... El viaz, co l'aerodinamicita' che perde la macchina l'e' sta' propri lonc: diaolopo'... l'Autobrennero en quarta ai 100/110Km/h no ricordo de averla mai fatta co la Polo! Dal parcheggio gh'e' za' i cartei della ciclabile per Lienz, quindi, auf und LOS! Le borraccie le empinirem per strada, ma l'unica fontanela de S.Candido, dopo 5Km de prai en fior, l'e' senza acqua e allor sempre avanti vers Prato alla Drava. La ciclabile, la costeggia per tutta lunghezza la Drava: el pu' lonc fiume, 749Km, che nasce en Italia (vabbe'... se fa per dir, Italia...) e sfocia nel Danubio tra Croazia e Serbia, per poi finir nel Mar Nero! Ah pero'! Entrai finalmente en patria, la discesa vers Sillian l'e' propri comoda... 2 pedalae e subit se e' sui 35Km/h! Col campanell che g'ho sulla bici (vanza' dal cammino de Santiago... a proposito! Tra i segnavia propri su sta ciclabile gh'e' anca la famosa conchiglia! La fa parte della via Giacobea Tirolese!) me diverto a far spostar la marmaglia de zent che sorpasso: per fortuna tutti i va en direziom Lienz! Gh'e' enfim zent con drio la bici taca' el rimorchio e con su la cuna e altri addirittura con sul rimorchio el caign! Dopo altri 15Km de prai en fior se traversa la ferrovia a Tassenbach, dove ne fermen per zercar na fontana alla staziom dei treni... niente! (tanto, co le do borraccie che ho porta' drio, no se more miga de se'!). L'e' quindi la volta dei boschi... e infatti qi gh'e' en casim de ciclisti fermi sotto le piante a far picnic... ma no gh'e' temp da fermarse: a magnar ghe penserem dopo... e allor avanti sempre pu' lanciai tra i boschi de MittenWald e quando ormai manca neanca dese chilometri a destinaziom passem da en bicigrill stracolmo... no l'e' zerto el caso de fermarse! Avanti! No g'ho idea de quanti ciclisti erem... de zerto l'85% i era taliani... e infatti... ultima sgasada en velocita' e arrivem all'aiola floreale gigante che la ne accoglie con en "Benvenuti a Lienz!"... ma come???!!! doveva esser en Willkommen!!! Vabbe', ne trovem en gasthof drio la ciclabile per na bona ciopa e do boni PROST co en par de candole, quindi fiondai en staziom a tor i biglietti del treno... che mazel! En casim de taliani co le bici empieniss la banchina en attesa del treno (12 Euro con bici fin S.Candido). Per fortuna saevem de piazzarne en coa e cosi'... el portellom dei 2 vagoni bici el ne se ferma davanti e... a bordo! Da tanti che i era, no i e' riusidi a saltar su tutti i ciclisti... i g'ha sera' le porte en faccia e via! Tre quarti d'ora de viaz e arrivai a S.Candido el treno el se ferma e l daverze le porte dei vagoni bici... che besogn rangiarse a scargar... quindi ultimi 5 chilometri de ciclabile piana per tornar alla macchina a Dobbiaco e per le 6 ne enviem vers ca' .... l'e' ancor longa... en par de orette e se pol za' pensar a doman!




I 4 bikers pronti en partenza da Toblach: Fertig... LOOOOSSSSS!!!


...e subit partim spedii en tel pianoro che porta a...


Innichen (San Candido)... dai, dai... ancor pochi metri e sem en patria!


..e qi podém veramente lasarne tutti i pensieri alle spalle!


Propri bel pedalar en discesa tra i prai fioridi e la mitica Drava: eh eh... el savè che l'è l'unico fiume che nase al de qua del confim e sofciando nel Danubio tra Serbia e Croazia la finiss en tel.. Mar Nero!


En le discese sterrate en tei boschi, se pol molarlaaaa!


no, no, no l'è Innsbruck... ma... Drausbruck ;-)! (per quei che è mezi taliani... Ponte sulla Drava)


Was schreiben ihnen?? Benvenuti a Lienz??? Ma se matti???!!!?? No sem miga en Itaglia!! E allor... Willkommen in Lienz, bitte!


Tornai a San Candido i daverze i vagoni portabici e no serve tante parole a capir che per scargarle... gh'è da rangiarse!



Ste pagine l'e' stae cargade volte da visitatori dal 3 de agost 2005